Heim Galleri Om
blogg.no » fotoingrid

Og igjen!

I dag var eg på samme turen som så mange gongar før, men med eit heilt fantastisk vêr denne gongen! I går snøva det, men i dag var det iskaldt og strålande sol. Perfekt fotovêr, tok massevis av bilder. Og skrudde kontrasten godt opp i photoshop etterpå.


   

   

   

    

   

Til ære for Hovdevatnet

Hovdevatnet er ein god ven. Kvar gong eg er heime i Hovdebygda er Hovdevatnet ein sjølvsagt ven å besøke. Om sommaren badar eg i det, ror på tur i ein plastikkbåt, solar meg ved det og går og syklar på tur rundt det. Om vinteren går eg også rundt det, og på skeiser om det er is.

Uansett årstid tek eg alltid bilder av Hovdevatnet. Bilda blir kanskje ofte ganske like, kor mange gangar har eg ikkje gått opp på Hovdeåsen og tatt det same bildet utover vatnet. Men den gode modell tek ein aldri nok bilder av!

3. juledag kom eg meg endelig på tur, men det var ein dårlig dag, lysmessig. Alt var grått og flatt, men det var ein kjempetur likevel, for Hovdevatnet skuffar ikkje!



Flø!

I går var eg og Karoline på Flø!  Der fraus vi på beina, men eg fikk iallefall tatt nokre bilder! Vi var også på den koseligaste Moods of Norway, der eg blei freista til å kjøpe meg eit skjerf. Julegåve til meg sjølv!

Flø ligg i Ulstein kommune, uut mot haavet! Eg var der i fjor haust også og tok bilder. For eksempel dette og dette.

Med pop-up denne gangen!

    

    

    

     

Ferie!

Eg har ferie! Hittil har eg ikkje gjort so mykje nyttig, men det er vel litt av meininga. Eit mål med feria var å få kost meg med å ta litt bilder, so i dag lufta eg kameraet på første gong på lenge. Det blei berre ein liten tur ut då eg ikkje var heilt forberedt på alle dei minusgradene som var der ute. 

Eg har ein plan om å få til nokre bilder med modell, det kan bli spennande. Det er meldt snø og kaldt, og ein del sol, perfekte forhold til fotografering altså.

To av dagens bilder:






Eksamenstid!

Eksamenstid er ikkje lik fototid. Manglar motiv og tid. Har store planar om litt hyppigare oppdatering i jula. No er eg ferdig med to eksamenar, fysikk og vidaregåande programmering, og har ein igjen - datamaskiner og operativsystem. 

I går, søndag, skulle eg ønskt eg hadde med meg kamera på veg til skule. "Tidlig" morgon var gatene folketomme, eg følte meg som eg var i ein film der alle andre var forsvunne. Igjen var restar etter ei vill flukt. Ein rosa sykkel med benda hjul. Statuar med nissehuer. Kebabpapir og macernpapir overalt. Tegn på at enkelte har kjekkare laurdagskveldar enn meg for tida kanskje. 

I mangel på nye bilder kjem litt "rot frå arkivet".  Desse bilda tok eg i jula for to år sida, etter å ha sett meg lei på dei typiske julekule-motiva. 

dokka 005 copy

Kva er det med meg og dukker? Eg veit ikkje.

dokka 008 copy

Dollhouse

dukkeI -n, -r

1 figur i liten størrelse, som forestiller et menneske: leke med dukker / dukkene i et dukketeater (jf. marionett) ; (om figur i legemsstørrelse) ved innspilling av livsfarlige filmscener brukes ofte dukker / utstillingsdukke // pike, dame som er liten og vever, forfinet, overdrevent pyntet e.l.
2 liten garnbunt
Etym.: da. form; gno. dokka , fra mnty., nederl. 'halmbunt'

 


dokker

Ørsta!

I jula får eg vere heile TRE veker heime i Ørsta! <3 Og kva så seier du? I tilegg til vener og familie, vil eg meine at bilda mine under seier sitt.


rstasamlinglite

Tilt shift

Ein gong for lenge sida kom eg over eit bilete laga ved teknikken tilt shift. Dette er ein teknikk som gjer at alt ser pittelite ut, kjempekjekt! Eg fant ein guide om korleis lage dette, og klarte etter litt styr å få det til i photoshop. Her er resultatet:

fotoingrid
Seattle, 2005.

Det eg oppdaga i dag, er at ein kan berre legge inn eit bilde i ein generator,  trykke ein knapp, og så har du bildet ferdig. Test det ut! : http://tiltshiftmaker.com/ 
Ser kanskje ikkje nødvendigvis ut som miniatyrar, men blir iallefall stilig. Heller ikkje alle bilder som passar til denne teknikken. Her er nokre eg laga til:

madrid157tiltshift 2
Frå ein liten by i Spania, 2008

agadirtiltshift 1
Agadir, Marokko, 2007

juni 064tiltshift
Einellerannan stad på vestlandet, 2007

marokko 268tiltshift
Marokko, 2007

img1055tiltshift
Romedalen, Ørsta, 2009

cuba 327tiltshift
Trinidad, Cuba, 2009

Ikkje foto, men..

Greit, dette er ein fotoblogg. Men eg vil gjere benytte det at eg faktisk har ein slikein blogg til å vise fram litt andre ting eg har laga. Eg gjekk på teikning, form og farge på vidaregåande. Der var det lite foto, men mykje maling, teikning og anna kos. Savnar den tida! 

til blink3

Første bildet her var ei oppgåve siste året på vidaregåande. Trur krava var at ein stol skulle vere med, bildet skulle skildre ein følelse og stilen skulle vere surrealistisk. Eg likar å få ei oppgåve der eg må holde meg innanfor visse krav, men likevel står veldig fritt. Ein av grunnane til at det har blitt lite maling etter vidaregåande er vel fordi no er det ingen som kan gi meg desse oppgåvene, det er eit større tiltak å sette i gong då.

For tida går det mest i skrabling i kladdebøkene i forelesningar, eller på jobb. Små bilder som tar to minutt, eller to timar å lage. Dette er ofte heilt meiningslause små teiningar, og ofte veit eg ikkje kva det endar opp med før eg er ferdig. 

untitled7

Bildet under her begynte eg på då Renate og eg var på hyttetur. Ein dag skal eg gjere det ferdig, men likar ikkje å male hår, så enn så lenge blir det verande slik. Kanskje løysninga er ein stor hatt. 

img2020

I 2.klasse fikk vi oppgåve å lage teikneserie. Eg er ein slik ein som faktisk kjøpar blad som Pondus og Kollektivet kvar måned, eg les ein del serier. Sjølv om eg likar best å lese morsome serier, var ikkje dette like lett å lage sjølv. All ære til dei få som klarar å komme opp med eit genialt poeng til å bruke i ei serie, kvar einaste dag! Så mi blei alt ein litt alvorligare variant. Litt emo, kanskje. (fire år sidan!)

tegneserie



Besøk!

I helga kom Silje på besøk! Silje er ei av dei få eg kjenner som fortsatt bur heime i Ørsta/Volda. Sjøl om eg skulle ønske at ho budde her i Bergen, så er det jo kjekt å ha nokon heime også. Men denne helga kom ho på besøk til Ruth-Lidny, Elise og meg :D Gamlegjengen, som har holdt saman sidan barneskulen, stas! Litt dårlig planlegging gjorde at alle tre måtte jobbe laurdag, og Silje måtte klare seg åleine. Men resten av helga var det maks kvalitetstid med vin, bytur, brettspel, shopping og cafèbesøk. 

Her er litt bilder frå søndagen då vi rusla litt rundt i Bergen. Med sjølvutløysar klarte vi også å få eit bilde av alle fire :)

img1137

img1141 copy2
Frå venstre; eg, Silje, Elise og Ruth-Lidny


img1144

Bedre bilder - fjerne farge på delar av bildet

Noko som eg syns kan vere ei veldig stilig effekt på bilder er å gjere delar av bildet svart/kvit, og la berre ein eller få fargar vere igjen. Dette framhevar delar av bildet.

fjernefarge3

Felles på dei tre første bilda er at det er ein farge som står igjen, på det siste er det eit heilt området. Ein kan altså gjere det på forskjellige måtar, og vanskelig er det heller ikkje.

Bildet av Renate som eg skal bruke i eksempelet er eit av dei mindre planlagte bilda. Det er tatt med eit kompaktkamera med blitz, og fargane er vel ikkje spesielt flatterande. Men berre motivet stemmer kan det meste spritast opp litt. 

mgp 001


Du begynner med å velge penselverktøyet i menyen til venstre. 


fjernefarge1


På mode over bildet velger du hue. Dette betyr at du fargar bildet i ein fargetone, det er derfor viktig at du vel svart eller kvit som farge. Så er det berre å begynde å tegne. Pass på at opacity står på 100% om det skal bli i gråtonar. For å få fine overgangar mellom det i gråtonar og det i fargar er det viktig justere penselen. Størelse og hardheit på pensel har mykje å sei for jevne overgangar, det beste er å prøve ut dette. Husk at du alltid kan angre en del steg tilbake i history-menyen til høgre.

fjernefarge2


Spørsmål? Vanskelig å vite kor detaljert eg skal forklare. Har holdt på med photoshop en del år, og mykje virkar opplagt for meg som eg har heilt glømt at eg strevde med å skjøne sjøl. Så skriv ein kommentar :)

Sumarhygge!

Med ny blogg har eg litt lyst å skrive om alt som har skjedd siste åra! Men det vil nok bli alt for tidkrevande :p Men sidan sommaren ikkje er så lenge sidan vil eg skrive litt om den. Litt kjekt å mimre om varmare tider også.

Etter eksamen blei Renate og eg med då Christoffer flytta til Oslo. Shopping og avslapping var perfekt rett etter nokre stressande veke. Trist at Chirstoffer ikkje var med på flyet tilbake, men vi hadde iallefall ei super helg!

oslo


Så reiste eg heim til Ørsta. Eg jobba litt på dei nynorske festspela i Aasen-tunet og ellers berre slappa av. Litt turar blei det også. Karoline fikk meg med på den første fjellturen den sesongen, utenom Fløyen i Bergen då, men det tel vel ikkje som ein fjelltur. Vel, ho sa det skulle vere ein rolig familietur. Håh, ikkje viste eg at familiar er så sporty! Men eg kom meg opp, og utsikta var flott. Etterpå var vi på fisketur med bollar og heile pakka!

 fisketur


Dagen etter festspela tok eg og Karoline turen til Antalya, Tyrkia. Vi var veldig klar for maks avslapping, sidan vi visste at resten av sommaren kom til å bli jobb, jobb, jobb. Så det blei mest strandliv og bytrasking, heilt supert!

tyrkia

I juli jobba eg for det meste. Like greit, det regna heile tida. Einaste gongen det var sol i sommar var vel når eg var i Tyrkia. Ein gong i juli, dei lærde stridast fortsatt om ein nøyaktig dato, reiste Renate og eg til eit naust mora eig ute i Øygarden. Her laga vi god mat, var på kanotur, malte og slappa av. Bilturen ut til dette naustet tar ca 1,5 time. Vel. Når vi kom ut dit kunne Renate etter litt ukvemsord fortelle at nøkkel hadde ho ikkje med. Så vi kjørte tilbake til Bergen. Tilbake i leiligheita viste det seg at nøkkelen ikkje var der heller. Kvar var den? Jo, i bilen. Litt unødig kjøring der altså, men fortsatt godt humør.

naust


Etter enda litt jobbing hadde eg friveke, og ein tur heim til Ørsta. Er blei det enda litt meir turar, og enda litt meir avslapping. Silje og eg kjøpte like joggesko på salg, og feira det med ein tur i Romedalen. Når du møter barnevogner på tur veit du at du kanskje ikkje er på den tyngste turen, men kjekt var det uansett.

tursilje

Så kom Renate på besøk frå Bergen! Eg henta ho på Selje, og vi kjørte på sightsing på Stadt, blant anna til Hoddevika. 

hodde

 Der, kort oppsummert min sommar. Lite sol, en del arbeid, men alt i alt meget bra! :D

Trond-jæm

I helga reiste eg og Siri til Trondheim. Vi tok fly i lag, eg var der for å besøke Karoline, medan Siri besøkte ein kompis. Trondheim er virkelig ein flott by! Mitt første besøk der, og eg er frelst. Hadde ikkje vore dumt å tatt master der eller noko slikt. På mange måtar er den lik Bergen, akkurat passelig stor og akkurat like trivlige folk. 

trondheimmindre

Bedre bilder - fargar

Når ein stillar på kontrastane som vist under, blir også fargane sterkare. Her har eg brukt samme bildet som eg brukte tidligare, og har etter å ha stilt på kontrast, stilt ned fargemetninga. Dette for å få et roligare uttrykk.

fargar1

I Photoshop finn du denne funksjonen på samme plass som tidligare Image - Adjustments - Hue/Saturation. Dette er også ein funksjon som finnast i om trent alle redigeringsprogram.

fargar2

Om eg hadde stilt saturation til -100 ville bildet blitt i gråtonar.

I bildet under har eg haka av for Colorize, som gjer at heile bildet kjem i ein tone. På Hue velger du kva fargetone dette skal vere. Eg anbefalar å ha Saturasion lav når du brukar denne funksjonen. Men alt etter anledninga :)

fargar3

Bedre bilder - kontrastar

Tenkte eg skulle gå gjennom nokon enkle teknikkar for å gjere eit bilde litt bedre. Eg brukar Photoshop CS2 til redigering, men det eksisterar mange gode alternativ. Til enkle justeringar fungerar også dei enklaste programma som det innebygde i Windows vista - windows fotogalleri. 

Kontrastar er det eg forandrar mest på i mine bilder, ofte likar eg å overdrive litt akkurat her. Bilder blir fort litt blasse, og kontrastjustering kan hjelpe å få bildet slik motivet egentlig var. Du kan også bruke denne funksjonen til å lysne bilder du meinar er for mørke.

Her er eit bilete eg tok på Hawaii. Første bildet uten noko justering, det andre etter kontrast. Modellane har eigentleg stilt seg opp for ein annan fotograf, og eg kom tilfeldigvis forbi. Eg knipsa eit bilete uten å tenke mykje på justeringar, eller komposisjon for den saks skyld. 

kontrast5


I Photoshop kan ein justere kontrastar på to måtar. Enten med brightness/contrast, eller curves. Begge desse finn du i menyen oppe på image - adjustments. Her først med curves. Eg syns eg får mest kontroll med denne. 

Lag eit punkt med å trykke på den diagonale linja. Drar du dette punktet oppover vil du sjå at bildet blir lysare, og mørkare når du drar den nedover. Ved å lage eit punkt til vil du ha muligheit til å lage kontrast. Det beste tipset eg kan gi her er å prøve seg fram. 

kontrast3

Her er samme bildet med brightness/contrast. Denne funksjonen vil du finne igjen i alle redigeringsprogram, inkludert dei aller simplaste. Også her er det berre å prøve seg fram, men det beste blir som oftast om brighness er litt under 0 og contrast litt over.

kontrast4


Ganske kort dette her, men eg gir gjerne tips om nokon har spørsmål :)


Cars of Cuba

I Påska var eg på Cuba. Heilt fantastisk! Har lagt ut nokre bileter i galleriet.

Det mange forbinder med Cuba er dei amerikanske bilane frå 50-talet. Desse skranglete bilane som tydelig hadde skifta eigar fleire gongar siste tiåra er ein stor del av sjarmen i gatene på Cuba. Spesielt i den mindre byen Trinidad der vi var ei veke var desse bilane fleirtal. Det er ein opplevelse i seg sjølv å få ein slik bil som taxi til stranda. Mange av bilane hadde sett sine bedre dagar og sto i gatene strippa for dekk og inventar. Andre skein som om dei var nye.

Her er ei samling med nokre av bilane eg møtte på

cuba 159

Ny nettside, ny blog!

No har eg endelig gjort det eg har tenkt på ei stund, nemlig forandre fotoingrid.com. Designen er heilt ny, men det som er hovedgrunnen til at eg ville gjere alt på nytt, frå scratch, er at den gamle sida var eit herk å oppdatere. Det resulterte i at eg sjeldan gadd å oppdatere den, og blogging vart til ei oppsummering om kva eg hadde gjort siste halvåret. Vel, dette satsar eg på å forandre.

På nye fotoingrid.com vil blogging bli meir viktig. Her vil eg legge ut fleire bileter, bileter som kanskje ikkje får innpass i galleriet. I sistnemte vil eg legge bilder som eg er meir fornøgd med. Dei som har vore på gamle fotoingrid.com vil merke at det er ferre bilder her no. Dette er bevisst, eg har ikkje behov for å vise alt eg har tatt bilete av sidan vidaregåande.

Her er eit bilete av gamlesida, for dei som vil mimre litt. Denne brukte eg mykje tid på då eg gjekk mediekunnskap i skuleåret 2006/2007. Då var webdesign heilt nytt for meg, difor er kodene berre rot og difor dette nemnte herket med oppdatering osv

 

.gamlesida


 

Les mer i arkivet » Desember 2009 » November 2009 » Oktober 2009

Kategorier

Arkiv

Siste innlegg

Siste kommentarer

hits